Nesten eit år sidan forrige Aslaug Høydal dikt, så det er på høg tid å gi ho ordet...

UBRUKT DAG

Augo stirer mot ruta

ventar på eitkvart.

Blyanten ligg ferdig på bordet,

bladet breier seg ut.

Kvitt blad som ventar.

Augo stirer framleis.

Rykk og skjelv der inne,

strengjer vert sette i sving.

No, no!

Handi triv etter blyanten.

Fylla det kvite bladet,

fylla det fort.

Etterpå:

Blyanten ligg atter på bordet,

still.

Bladet er like kvitt.

Sukk mot ei svart rute:

Ubrukt dag,

fåfengt liv.

           Aslaug Høydal