DAG 5 AV 10 MED JAKOB SANDE

Den sida av Jakob Sande eg vil peike på i dag er kjærleiks poeten… I dag òg vil eg trekke fram to dikt, først hyllesten til den utvalgte i

DU ER MIN LOS

Du er min los på

leia eg dreg,

du er mitt ljos på

nattville veg.

Sjølv om du vankar

Langt her ifrå,

i mine tankar

bur du enn då.

Der skal du bu som

song i mitt sinn,

venen min, du som

einast er min.

Der skal din kjærleik

vere mi bøn,

der skal din nærleik

vere mi løn.

Einsom eg stod og

du vart min del;

blod av mitt blod og

sjel av mi sjel.

                   Jakob Sande

Så den ulykkelig forelska, lengtande i

ALDRI

Alltid å tegja når

du er meg nær

aldri å segja kor

du er meg kjær.

Aldri få kjenna din

pust mot mitt kinn,

aldri få brenna min

munn imot din.

Aldri få loga som

eld imot deg:

slik er den soga som

klagar i meg.

      Jakob Sande